विएना (अष्ट्रिया)
अष्ट्रियाको राजधानी विएनामा आयोजना गरिएको युरोपेली सुरक्षा तथा सहकार्य संगठन (OSCE) को मन्त्रीस्तरीय परिषद् बैठक आज उद्घाटन गरिएको छ। कार्यक्रममा फिनल्यान्डकी परराष्ट्रमन्त्री तथा ओएससीई २०२५ की अध्यक्ष एलिना वाल्टोनेन, अष्ट्रियाकी परराष्ट्रमन्त्री बिआटे माइनल-राइजिङर, र ओएससीईका महासचिव फेरिदुन एच. सिनिर्लिओग्लु उपस्थित थिए। वाल्टोनेन बैठकलाई सम्बोधन गरिरहेकाले उनको वक्तव्य बैठक हलमा रहेको ठूलो पर्दामा पनि देखाइएको थियो।यो बैठकमा यूरोपेली सुरक्षा, क्षेत्रीय तनाव, सहकार्य, र सदस्य राष्ट्रहरूबीचको कूटनीतिक समन्वयबारे उच्चस्तरीय छलफल हुने अपेक्षा गरिएको छ।

(फोटो : जो क्लामार / एएफपी)