@सुनिल सिंह  काठमाडौं

पछिल्लो समय नेपाली राजनीतिमा व्यक्तिगत स्वार्थ, नक्कली नाटक र अवसरवादी गठजोडले जनविश्वास गम्भीर संकटमा परेको छ। विशेषतः बालेन साह (तेली–ठकुरी होइन)  र रवि लामिछाने लाई लिएर उठेका प्रश्नहरूले राजनीतिक नैतिकताको स्तरमाथि गम्भीर बहस जन्माएको छ।सार्वजनिक रूपमा स्वतन्त्र र फरक धारको राजनीति गर्ने दाबी गरेका बालेन साह केही समय चुपचाप बसेपछि अचानक राजनीतिक दृश्यमा देखिनु, त्यसपछि बिरामी भएको नाटक र खुट्टाको सहारामा रवि लामिछानेको चुनावी प्रचारमा सहभागी हुनुले धेरै प्रश्न उठाएको छ। आलोचकहरूका अनुसार यो व्यवहार सिद्धान्तभन्दा पनि स्वार्थप्रेरित राजनीतितर्फ झुकेको संकेत हो।अर्कोतर्फ, रवि लामिछानेमाथि लामो समयदेखि उठ्दै आएका नागरिकता र वैधानिकतासम्बन्धी विवाद अझै समाधान नभइसकेको अवस्थामा यस्ता समर्थन र प्रचारले जनतालाई थप भ्रममा पारेको आरोप लाग्दै आएको छ। “देश र कानुनभन्दा माथि व्यक्ति र प्रचारलाई राख्ने प्रवृत्ति खतरनाक छ,” राजनीतिक विश्लेषकहरू चेतावनी दिन्छन्।विदेशी प्रभाव, मिडिया प्रचार र भावनात्मक नाटकमार्फत जनमत प्रभावित गर्ने प्रयासले लोकतन्त्रको मर्ममाथि प्रहार भएको भन्दै सामाजिक सञ्जालमा तीव्र आक्रोश देखिएको छ। धेरै नागरिकहरूले यसलाई जनतालाई कमजोर ठान्ने र चेतनालाई अपमान गर्ने कार्यका रूपमा लिएका छन्।समग्रमा, यो घटनाक्रमले नेपाली राजनीतिमा अनुहार फेरिए पनि चरित्र नफेरिएको कठोर यथार्थ उजागर गरेको छ। अब आवश्यक छ—नाटक, प्रचार र व्यक्तिगत स्वार्थ होइन, कानुन, पारदर्शिता र राष्ट्रहितलाई केन्द्रमा राख्ने स्पष्ट र जिम्मेवार राजनीति।