वार्सा (पोल्याण्ड), नोभेम्बर ११, २०२५ (एपी) —
पोल्याण्डमा मंगलबार देशको १०७औँ स्वतन्त्रता दिवस विभिन्न कार्यक्रमका साथ मनाइयो। राजधानी वार्सामा हजारौँ नागरिकले सहभागी भएको विशाल र्याली तथा मार्च आयोजना गरिएको थियो।मार्चमा सहभागिहरूले राष्ट्रिय झण्डा बोकेका थिए र देशको स्वतन्त्रता तथा एकताको जयघोष गरेका थिए। यो दिवस पोल्याण्डले १९१८ मा स्वतन्त्रता प्राप्त गरेको सम्झनामा हरेक वर्ष नोभेम्बर ११ मा मनाइन्छ।वार्सामा भएको केन्द्रीय कार्यक्रममा सरकारी अधिकारीहरू, सैनिकहरू, युवा समूहहरू र साधारण नागरिकहरूको उत्साहपूर्ण सहभागिता देखिएको थियो। केही प्रदर्शनकर्ताहरूले देशभक्ति गीतहरू गाएका थिए भने केहीले ऐतिहासिक नायकहरूको तस्वीर बोकेका थिए।पोल्याण्डको स्वतन्त्रता दिवस देशको इतिहासमा अत्यन्त महत्वपूर्ण दिन मानिन्छ, जसले तीन शताब्दीभन्दा बढी समयको विदेशी शासनबाट मुक्ति प्राप्त गरेको क्षणलाई स्मरण गराउँछ।

(फोटो: एपी/चारेक सोकोलोस्की)