काठमाडौं – नेपाल राष्ट्र बैंकले ५० रुपैयाँ दरका नयाँ नोट छाप्नका लागि चिनियाँ कम्पनी चाइना बैंक नोट प्रिन्टिङ एण्ड मिन्टिङ कर्पोरेसन (China Bank Note Printing and Minting Corporation) लाई छनोट गरेको छ।राष्ट्र बैंकका अनुसार बोलकबोल प्रक्रियामार्फत उक्त कम्पनीलाई ४२ करोड थान नयाँ नोट छाप्ने जिम्मेवारी दिइएको हो। नोटको डिजाइन तथा छपाइका लागि करिब १ अर्ब ४७ करोड ७७ लाख रुपैयाँ भुक्तानी गरिनेछ।बैंकका अधिकारीहरूले जनाए अनुसार नयाँ नोटमा अत्याधुनिक सुरक्षा विशेषता, दीर्घकालीन टिकाउ कागज तथा सुधारिएको डिजाइन समावेश गरिनेछ।नेपाल राष्ट्र बैंकले अघिल्ला वर्षहरूमा पनि विभिन्न दरका नोटहरू विदेशी कम्पनीमार्फत छपाउँदै आएको थियो। यसपटक चीनसँगको सहकार्यलाई दीर्घकालीन प्राविधिक सहयोगको रूपमा समेत हेरिएको बताइएको छ।बैंकले नयाँ नोट छपाइको कार्य आगामी आर्थिक वर्षभित्रै सम्पन्न हुने अपेक्षा व्यक्त गरेको छ। संवाददाता समय सूत्र मिडिया