@सुनिल सिंह महत  काठमाडौं —
भारतीय सञ्चारमाध्यममा प्रकाशित एक समाचारले नेपालका पूर्वप्रधानमन्त्री पुष्पकमल दाहाल ‘प्रचण्ड’ लाई लिएर कडा टिप्पणी गरेको छ। समाचारमा प्रचण्डले नेपालको लोकतन्त्र जोगाउन भारतसँग सहयोग मागेको दाबी गरिएको छ, जसले राजनीतिक तथा कूटनीतिक वृत्तमा चर्चा उत्पन्न गरेको छ।भारतीय पत्रिकामा प्रकाशित समाचार अनुसार नेपालमा देखिएको राजनीतिक अस्थिरता, आन्तरिक शक्ति संघर्ष र सडक आन्दोलनको पृष्ठभूमिमा प्रचण्डले भारतसँग सहयोगको अपेक्षा गरेको उल्लेख गरिएको छ। समाचारमा उनलाई ‘द्विविधामा परेका नेता’ को रूपमा चित्रण गर्दै नेपालभित्रको आन्दोलन र राजनीतिक दबाबले उनलाई भारततर्फ झुक्न बाध्य बनाएको दाबी गरिएको छ।समाचारमा नेपालमा चलेको आन्दोलन, सत्ता समीकरणको फेरबदल र कम्युनिस्ट राजनीतिभित्र देखिएको अन्तरविरोधलाई पनि उल्लेख गरिएको छ। भारतीय मिडियाले प्रचण्डको भूमिकालाई लिएर आलोचनात्मक दृष्टिकोण प्रस्तुत गर्दै उनीमाथि “विदेशी समर्थन खोज्ने राजनीति” को आरोपसमेत लगाएको देखिन्छ।यद्यपि, यस विषयमा नेपाल सरकार वा प्रचण्ड पक्षबाट कुनै औपचारिक प्रतिक्रिया आएको छैन। राजनीतिक विश्लेषकहरू भने भारतीय सञ्चारमाध्यमहरूले नेपालको आन्तरिक राजनीतिलाई आफ्नै दृष्टिकोणबाट प्रस्तुत गर्ने गरेको भन्दै यस्ता समाचारलाई सावधानीपूर्वक मूल्याङ्कन गर्नुपर्ने बताउँछन्।नेपाल–भारत सम्बन्ध सधैं संवेदनशील रहेको सन्दर्भमा यस्ता समाचारले दुवै देशबीचको कूटनीतिक सम्बन्धमा समेत प्रभाव पार्न सक्ने विश्लेषकहरूको भनाइ छ।