पुस २१, २०८२
रिपोर्टर: सुनिल सिंह, काठमाडौं
देशमा फैलिएको अनियमितता र शक्तिशाली समूहको प्रभावबारे कडा आवाज उठाउँदै व्यवसायी तथा सामाजिक अभियन्ता दुर्गा प्रसाईँले “अब लड्ने बेला आएको” घोषणा गरेका छन्। सार्वजनिक कार्यक्रममा उनले देशका स्रोत–साधन “मुठ्ठीभर माफियाले कब्जा गरिरहेको” दाबी गर्दै त्यसको पर्दाफासका लागि संगठित र शान्तिपूर्ण अभियान चलाउने चेतावनी दिए।
प्रसाईँले सरकारी नीति, ठूला ठेक्का, बैंक–वित्तीय क्षेत्रदेखि स्वास्थ्यसमेतमा “अल्पसंख्यक लाभगुट” सक्रिय रहेको आरोप लगाए। उनका शब्दमा—
“चुप रहँदा राष्ट्र कमजोर हुन्छ। सत्यको पक्षमा उभिने हिम्मत अहिले नै देखाउनुपर्छ।”
उनले युवालाई सचेत रहन, संविधान र कानुनको दायराभित्र रहिरहेँर भ्रष्टाचारविरुद्ध दबाब सिर्जना गर्न आग्रह गरे। व्यक्तिगत नाम सार्वजनिक नगरे पनि “कानुनभन्दा माथि कोही छैन” भन्ने सन्देश दोहोर्याए।
विश्लेषकहरूको ठम्यो— प्रसाईँको दमदार भाषणसँगै माफिया र पारदर्शिताबारे बहस फेरि तातिएको छ। तर उनीहरू जोड दिन्छन्— आरोप जति गम्भीर भए पनि प्रमाण र कानुनी प्रक्रियासँगै अघि नबढे दीर्घकालीन प्रभाव पर्न गाह्रो हुन्छ।
अहिले सबैको नजर प्रसाईँले उठाएका मुद्दा व्यावहारिक रूपमा कसरी अघि बढ्छन् भन्नेमा केन्द्रित छ।
