काठमाडौं

खाद्य प्रविधि तथा गुण नियन्त्रण विभागले बजारमा उपलब्ध ‘पफ’ खाद्य वस्तुमा स्वास्थ्यका लागि हानिकारक ट्रान्स–फ्याट मापदण्डभन्दा धेरै मात्रामा भेटिएपछि पाँच हजारभन्दा बढी प्याकेट रिकल गरी नष्ट गरेको छ।विभागले नियमित निरीक्षणको क्रममा पफका नमूनामा ट्रान्स–फ्याट स्तर नियन्त्रित सीमा भन्दा धेरै पाइएको पाएको जानकारी दिएर तत्काल कारबाही गरेको छ। खाद्य निरीक्षण टोलीले उद्योगसमक्ष उक्त उत्पादनहरु फर्काउने (रिकल) आदेश जारी गरी, उपभोक्ताको स्वास्थ्य सुरक्षाका लागि सबै ‘पफ’ प्याकेटहरू नष्ट गरिएको विभागका अधिकारीहरूले बताए।खाद्य विशेषज्ञहरूले ट्रान्स–फ्याट उच्च भएको खानेकुरा स्वास्थ्यका लागि अत्यन्त जोखिमपूर्ण भएको र यसले हृदयसम्बन्धी रोग, उच्च कोलेस्ट्रोल तथा बिभिन्न दीर्घरोगको सम्भावना बढाउने चेतावनी दिएका छन्।खाद्य प्रविधि तथा गुण नियन्त्रण विभागका महानिर्देशकले भने, “उपभोक्ताको स्वास्थ्य सर्वोपरि हो, अतः नियम उल्लङ्घन भएका उत्पादनलाई कुनै सम्झौता नगरी नियन्त्रणमा ल्याइ कारबाही गरिएको हो।” उनले अति आवश्यक स्वास्थ्य मापदण्ड पालना नगर्ने उद्योग र विक्रेताविरुद्ध कडा कदम चालिने पनि स्पष्ट पारे।विभागले जनतालाई सचेत गराउँदै उपभोक्ताले खाद्यान्न किन्नअघि उत्पादनको पोषण–लेबल र सामग्री जस्ता विवरण ध्यान दिएर हेर्न अनुरोध गरेको छ।