@एस.आचार्य ,काठमाडौं, मुलुकको राजनीतिक समीकरणमा नयाँ मोड आउने संकेत देखिएको छ। राष्ट्रिय स्वतन्त्र पार्टी (रास्वपा) का नेता बालेन शाहले आगामी चैत १३ गते प्रधानमन्त्रीको शपथ लिने तयारी भइरहेको बुझिएको छ। बिहीबार काठमाडौंमा भएको रास्वपाका चार शीर्ष नेताहरूको बैठकले सरकार गठन र शपथ ग्रहणको विषयमा घनीभूत छलफल गरेको हो। बैठकमा नयाँ सरकारको कार्यदिशा र सत्ता समीकरणका विषयमा समेत कुराकानी भएको स्रोतले जनाएको छ। संसद् सचिवालयको तयारी संसद् सचिवालयले पनि नवनिर्वाचित सांसदहरूको शपथ ग्रहणका लागि आन्तरिक तयारी तीव्र पारेको छ। प्राप्त जानकारी अनुसार: * चैत १२ गते: सांसदहरूको शपथ ग्रहण गराउने कार्यतालिका बनाइएको छ। * चैत १३ गते: प्रधानमन्त्रीको शपथ ग्रहण गराउने गरी राजनीतिक परामर्श भइरहेको छ। राजनीतिक सरगर्मी रास्वपाका नेताहरूबीच भएको यो छलफलले राजनीतिक वृत्तमा नयाँ तरंग पैदा गरेको छ। संसद् सचिवालयले १२ गते सांसदहरूलाई शपथ खुवाए लगत्तै भोलिपल्टै नयाँ प्रधानमन्त्री नियुक्त गर्ने गरी तयारी अघि बढेको बताइएको छ।