फाल्गुन १६, २०८२
संयुक्त अरब इमिरेट्स को रक्षा मन्त्रालयका अनुसार शनिबार इरानबाट प्रक्षेपित ब्यालिस्टिक क्षेप्यास्त्रहरू युएईको हवाई प्रतिरक्षा प्रणालीले अवरोध गरेको छ।
अबु धाबीको एक आवासीय क्षेत्रमा खसेको क्षेप्यास्त्रको टुक्रा (श्राप्नेल) ले एक एसियाली नागरिकको ज्यान गएको छ भने केही सम्पत्तिमा क्षति पुगेको छ।
युएई गृह मन्त्रालय ले देशको सुरक्षा अवस्था नियन्त्रणमा रहेको जनाएको छ।
मन्त्रालय उच्च सतर्कतामा रहेको र नागरिक, बासिन्दा तथा आगन्तुकको सुरक्षा सर्वोच्च प्राथमिकता भएको बताइएको छ।
अधिकारीहरूले जनतालाई:
खसेका धातुका टुक्रा वा शंकास्पद वस्तु नछुन
नजिक नजान
फोटो वा भिडियो नखिच्न
जानकारी आधिकारिक स्रोतबाट मात्र लिन आग्रह गरेका छन्।
शनिबार दिउँसो १ बजे General Civil Aviation Authority ले युएईको हवाई क्षेत्र अस्थायी रूपमा बन्द गर्यो।
यात्रुहरूलाई उडानबारे जानकारीका लागि सम्बन्धित एयरलाइन्ससँग सम्पर्क गर्न भनिएको छ।
प्रभावित यात्रुहरूलाई एयरलाइन्समार्फत आवास र सहयोग उपलब्ध गराइनेछ।
यसअघि संयुक्त राज्य अमेरिका ले इरान माथि हवाई र समुद्री आक्रमण गरेको थियो।
इजरायल ले पनि तेहरानलगायत प्रमुख सहरहरूमा आक्रमण गरिसकेको छ।
इरानले कडा प्रतिकारको तयारी गरिरहेको बताइएको छ।
इराक, कतार र बहराइनको हवाई क्षेत्र पनि अस्थायी रूपमा बन्द गरिएको छ।
