—  मुकुल ढकाल ले राष्ट्रिय स्वतन्त्र पार्टी (रास्वपा) प्रति कडा आलोचना गर्दै उक्त दललाई मत दिनु देशको हितविपरीत हुने दाबी गरेका छन्। उनले रास्वपालाई समर्थन गर्नु भनेको “विदेशीको हातमा देश सुम्पिनु सरह” भएको टिप्पणी गरेका छन्।ढकालले रास्वपा र त्यसका नेताहरूको विचारधारा हिन्दु धर्म र संस्कृतिविरुद्ध रहेको आरोपसमेत लगाए। उनका अनुसार धर्म, संस्कृति र राष्ट्रिय पहिचानप्रति नकारात्मक धारणा राख्ने शक्तिहरूलाई राजनीतिक रूपमा बलियो बनाउनु देशका लागि दीर्घकालीन रूपमा घातक हुन सक्छ। उनले मतदातालाई यस्ता विषयमा गम्भीरतापूर्वक विचार गरेर मत प्रयोग गर्न आग्रह गरेका छन्।उनको भनाइ सार्वजनिक भएपछि राजनीतिक वृत्तमा मिश्रित प्रतिक्रिया देखिएको छ। केही समूहले ढकालको अभिव्यक्तिलाई समर्थन गर्दै राष्ट्रिय पहिचाना र सांस्कृतिक मूल्यहरूको संरक्षण आवश्यक भएको बताएका छन् भने अन्यले यस्तो आरोप राजनीतिक प्रतिस्पर्धाको क्रममा गरिएको आरोप–प्रत्यारोप मात्र भएको प्रतिक्रिया दिएका छन्।यस विषयमा राष्ट्रिय स्वतन्त्र पार्टी (रास्वपा) का तर्फबाट हालसम्म औपचारिक प्रतिक्रिया आएको छैन। तर पार्टीका नेताहरूले यसअघि आफूहरू समावेशी राजनीति, लोकतान्त्रिक मूल्य र संविधानको दायराभित्र रहेर काम गर्ने प्रतिबद्धता व्यक्त गर्दै आएका छन्।

चुनाव नजिकिँदै जाँदा दलहरूबीच आरोप–प्रत्यारोप तीव्र बन्दै गएको छ। विश्लेषकहरूका अनुसार यस्ता अभिव्यक्तिले राजनीतिक ध्रुवीकरण बढ्न सक्ने भएकाले मतदाताले तथ्य, दलका कार्यक्रम र उम्मेदवारको आचरणका आधारमा निर्णय लिनु आवश्यक छ।