काठमाडौं | राजनीतिक समाचार

विश्लेषक तथा टिप्पणीकार भरत दाहालले सत्य कुरा बोलेकै कारण आफूलाई “ठेगान लगाइने” धम्की आएको दाबी गरेका छन्। उनले सामाजिक सञ्जालमार्फत सार्वजनिक गरेको यो खुलासाले राजनीतिक र सार्वजनिक वृत्तमा तरंग पैदा गरेको छ।दाहालले देशलाई अस्थिर बनाउने र राज्य संरचना कमजोर पार्ने उद्देश्यले संगठित षड्यन्त्र भइरहेको आरोप लगाउँदै त्यसबारे आवाज उठाएकै कारण आफू लक्षित धम्कीको सिकार बनेको बताएका छन्। “सत्य बोल्नेहरूलाई डर देखाएर चुप लगाउने प्रयास भइरहेको छ,” उनको भनाइ छ।उनका अनुसार देशलाई बर्बादीतर्फ धकेल्ने शक्तिहरू सक्रिय छन् र ती शक्तिहरूको विरोध गर्दा व्यक्तिगत सुरक्षामाथि नै खतरा उत्पन्न भइरहेको छ। उनले यस्ता धम्कीबाट नडराउने र सत्य बोलिरहने प्रतिबद्धता पनि व्यक्त गरेका छन्।राजनीतिक विश्लेषकहरूका अनुसार अभिव्यक्ति स्वतन्त्रतामाथि धम्की आउनु लोकतन्त्रका लागि गम्भीर संकेत हो। उनीहरू भन्छन्, “यदि विचार राखेकै आधारमा धम्की आउन थाल्यो भने त्यो राज्यकै असफलताको संकेत हो।”यस विषयमा सरकार वा सुरक्षा निकायबाट औपचारिक प्रतिक्रिया आएको छैन। तर दाहालको खुलासापछि सामाजिक सञ्जालमा व्यापक समर्थन र चासो देखिएको छ।