माघ ४, २०८२
काठमाडौँ – काठमाडौँ महानगरपालिकाका लोकप्रिय मेयर बालेन्द्र शाहले आज (आइतबार) आफ्नो पदबाट राजीनामा दिने तयारी गरेको स्रोतले जनाएको छ। तर राजीनामा प्रक्रियामा केही “होल्ड” अवस्था देखिएको छ।बालेन्द्र शाह राष्ट्रिय राजनीतिमा सक्रिय हुने उद्देश्यका साथ महानगरको नेतृत्व छाड्न लागेका थिए। उनी आगामी संसदीय निर्वाचनमा झापा क्षेत्र नं. ५ बाट प्रतिनिधि सभा सदस्यको रूपमा प्रतिस्पर्धा गर्ने तयारीमा रहेका थिए।राजीनामा दिएपछि महानगरपालिकाको कार्यवाहक जिम्मेवारी उपमेयर सुनिता डंगोलले सम्हाल्ने सम्भावना रहेको छ। उनका समर्थक र जनता मिश्रित प्रतिक्रिया व्यक्त गर्दै आएका छन्। कतिपयले उनलाई राष्ट्रिय राजनीतिमा देख्न चाहेका छन् भने कतिपयले महानगरका अधुरा कामहरू पूरा नहुने चिन्ता व्यक्त गरेका छन्।
राजनीतिक विश्लेषकहरूले बालेन्द्र शाहको निर्णयले आगामी राष्ट्रिय राजनीतिमा नयाँ हलचल ल्याउने अनुमान गरेका छन्।
