@सुनिल सिंह  काठमाडौं, नेपाल।
नेकपा (माओवादी केन्द्र) का संयोजक पुष्पकमल दाहाल ‘प्रचण्ड’ ले आगामी प्रतिनिधि सभा सदस्य निर्वाचनका लागि राष्ट्रिय स्वतन्त्र पार्टी (RSP) का सभापति रबि लामिछानेसँग चुनावी सहकार्य (electoral cooperation) को प्रस्ताव गरेको स्रोतले जनाएको छ। दाहालले यो प्रस्ताव चुनावमा बलियो समर्थन जुटाउने र बहुमतको सरकार गठन गर्ने उद्देश्यले लामिछानेलाई पुर्‍याएको बताइएको छ। प्रचण्डले आफ्नै निर्वाचन क्षेत्रमा (चितवन–३) सुरक्षित जित सुनिश्चित गर्न तथा देशभरि नै व्यापक राजनीतिक साझेदारीमा जान सहयोगका लागि दूतमार्फत लामिछानेलाई सहकार्य प्रस्ताव गरेको स्रोतले खुलासा गरेको छ। पछिल्लो राजनीतिक परिस्थितिमा, रबि लामिछाने ले पनि चुनावी माहोलमा सक्रिय भूमिका खेल्ने संकेत दिएका छन् भने राष्ट्रिय स्वतन्त्र पार्टी (RSP) ले आगामी निर्वाचनलाई सफल बनाउने पक्षमा आफ्नो समर्थन स्पष्ट पारेको छ। राजनीतिक विश्लेषकहरूका अनुसार यस्तो प्रस्तावले पुराना पार्टीहरू र नयाँ राजनीतिक शक्तिहरूबीचको तालमेलमा नयाँ मोड ल्याउन सक्छ, जसले आगामी चुनाव परिणाममा महत्वपूर्ण प्रभाव पार्नसक्ने अपेक्षा गरिएको छ।