@एन.बी.एम. क्षेत्री काठमाडौँ प्रधानमन्त्री कार्की र गृहमन्त्री अर्यालको तत्काल राजिनामाको माग गर्दै जेनजी समूहले देशभर आन्दोलन सुरु गरेको छ। शनिबार राजधानीमा आयोजित प्रदर्शनमा युवाहरूको उल्लेख्य सहभागिता देखिएको थियो।जेनजी समूहले सरकार भ्रष्टाचार नियन्त्रण, सुशासन र युवामैत्री नीति निर्माणमा असफल भएको आरोप लगाएको छ। प्रदर्शनकारीहरूले “जवाफदेही सरकार चाहियो”, “युवाको आवाज नसुन्ने सरकार मान्य छैन” जस्ता नारासहित सडक प्रदर्शन गरेका थिए।समूहका प्रवक्ताका अनुसार माग पूरा नभएसम्म आन्दोलनलाई शान्तिपूर्ण तर सशक्त रूपमा निरन्तरता दिइनेछ। “यो आन्दोलन कुनै दल विशेषविरुद्ध होइन, गलत प्रवृत्तिविरुद्ध हो,” उनले बताए।प्रदर्शनका क्रममा सुरक्षा व्यवस्था कडा पारिएको थियो भने हालसम्म कुनै अप्रिय घटना भएको छैन। सरकार पक्षबाट भने यसबारे औपचारिक प्रतिक्रिया आएको छैन।