काठमाडौँ

 राष्ट्रिय स्वतन्त्र पार्टी (रास्वपा) का सभापति रवि लामिछाने उच्च अदालत तुलसीपुरको बुटवल इजलासबाट थुनामुक्त भएलगत्तै उनीविरुद्ध पुनः मुद्दा दायर भएको छ।लामिछानेविरुद्ध युबराज सफलले अदालतमा नयाँ मुद्दा दायर गरेका हुन्। उच्च अदालतले थुनामुक्त गर्ने आदेश दिएको केही समयमै पुनः कानुनी प्रक्रिया अघि बढाइएको जनाइएको छ।मुद्दाको विषय, आरोपको प्रकृति तथा प्रारम्भिक सुनुवाइको मितिबारे विस्तृत विवरण सार्वजनिक भइसकेको छैन। यस विषयमा सम्बन्धित पक्षको आधिकारिक प्रतिक्रिया आउन बाँकी रहेको छ।यसअघि पनि लामिछानेविरुद्ध विभिन्न कानुनी प्रक्रिया अघि बढ्दै आएका थिए। पछिल्लो घटनाक्रमले राजनीतिक तथा कानुनी क्षेत्रमा थप चासो बढाएको छ।