काठमाडौँ — फिफा विश्वकप २०२६ अहिलेसम्मकै सबैभन्दा धेरै पुरस्कार राशि भएको फुटबल प्रतियोगिता बन्ने भएको छ। अन्तर्राष्ट्रिय फुटबल महासंघ (फिफा) ले कुल ६५५ मिलियन अमेरिकी डलर पुरस्कार राशि स्वीकृत गरेसँगै विश्वकप इतिहासमै नयाँ कीर्तिमान कायम भएको हो।यो रकम कतार विश्वकप २०२२ को तुलनामा करिब ५० प्रतिशतले बढी हो। यसपटक प्रतियोगितामा सहभागी टोलीको संख्या, खेल संख्या र प्रतिस्पर्धा बढेसँगै आर्थिक दाउ पनि अभूतपूर्व रूपमा उक्लिएको छ। पुरस्कार राशि वितरण यसप्रकार छः • 🏆 विजेता टोली: ५० मिलियन डलर • 🥈 उपविजेता: ३३ मिलियन डलर • 🥉 तेस्रो स्थान: २९ मिलियन डलर • चौथो स्थान: २७ मिलियन डलर • क्वार्टरफाइनल पुगेका टोली: १९ मिलियन डलर • राउन्ड अफ १६: १५ मिलियन डलर • राउन्ड अफ ३२: ११ मिलियन डलर • समूह चरणमै बाहिरिने टोली: ९ मिलियन डलर • विश्वकपमा छनोट भएका सबै टोलीलाई तयारी खर्च: अतिरिक्त १.५ मिलियन डलर फिफाका अनुसार यसपटकको विश्वकपले खेलको स्तर मात्र होइन, आर्थिक मूल्य पनि नयाँ उचाइमा पुर्‍याउने अपेक्षा गरिएको छ। बढ्दो पुरस्कार राशिले राष्ट्रिय टोलीहरूलाई थप प्रतिस्पर्धी बनाउने विश्वास लिइएको छ।विश्वकप २०२६: पुरस्कार, प्रतिष्ठा र प्रतिस्पर्धा—सबैमा नयाँ युगको सुरुवात। @एस.आचार्य