मेक्सिकोको मिचोआकान राज्यमा मेयर कार्लोस मान्जोको हत्यापछि उत्पन्न तनाव र जनआक्रोशका बीच सात जना नगर प्रहरी अधिकारीलाई पक्राउ गरिएको छ। उनीहरू सबै मान्जोको सुरक्षा व्यवस्थाका सदस्य रहेको स्थानीय अधिकारीहरूले जनाएका छन्।मिचोआकानका अटर्नी जनरल कार्यालयका एजेन्टहरूले नोभेम्बर २१, २०२५ मा उनीहरूलाई पक्राउ गरी उरुआपान शहरमा सार्वजनिक रूपमा ल्याएका थिए। मेयर मान्जोलाई नोभेम्बरको सुरुवातमा गोली हानी हत्या गरिएको थियो, जसपछि प्रदर्शन र विरोध कार्यक्रमहरू तीब्र बनेका थिए।स्थानीय बासिन्दा र प्रदर्शनकारीहरूले हत्याको छानबिन पारदर्शी र निष्पक्ष रूपमा गर्न माग गर्दै सडकमा उत्रिएका थिए। अधिकारीहरूले पक्राउ परेका सातै सुरक्षाकर्मीलाई घटनामा संलग्नताको आशंकामा अनुसन्धानका लागि हिरासतमा लिएको बताएका छन्।

एजेन्सी — संवाददाता