युरोपेली संसदमा रुस समर्थक भाषण दिन घूस लिएको अभियोगमा बेलायतको पूर्व सांसद तथा वेल्स नेता नाथन गिललाई शुक्रबार १० वर्षको जेल सजाय सुनाइएको छ। पूर्व सांसद गिलले सेप्टेम्बरमा एक रूसी समर्थक युक्रेनी राजनीतिज्ञबाट हजारौँ युरो लिएको र उनको आदेशमा लन्डनको ओल्ड बेली फौजदारी अदालतमा लिखित बयान दिएको र सोही कुरा र टेलिभिजनमार्फत् पनि भनेको आरोपमा दोषी ठहर गरिएको हो । वयानले युक्रेनमा लोकतन्त्रको बारेमा चिन्ता उठाएको राष्ट्रपतिमा निर्वाचित हुँदा भोलोदिमिर जेलेन्स्कीको आलोचनासमेत भएको थियो । गिललाई १० वर्ष छ महिनाको जेल सजाय सुनाउँदै न्यायाधीश बबी चीमा–ग्रबले भन्नुभयो, “उहाँले ‘महत्त्वपूर्ण अधिकार र विश्वासको पदको दुरुपयोग गर्नुभएको ठहर गरिएको छ ।” उहाँको आचरणले ‘आधारभूत रूपमा एक सुपरनेशनल विधायिकी निकायको अखण्डतामा सम्झौता भएको पुष्टि गरेको छ”,न्यायाधीश ग्रबले भन्नुभयो । “तपाईंले विदेशी नागरिकहरूबाट भुक्तानी स्वीकार गर्नुभएकोे, उनीहरूको आदेशमा महत्त्वपूर्ण अन्तर्राष्ट्रिय मामिलाहरूमा बयान दिनुभएकोे, तपाईंको आफ्नै रूपमा प्रस्तुत गरिएको लिखित सामग्री प्रयोग गर्नुभएको र अन्य सांसदहरूको संलग्नताको योजना बनाउनुभएको ठहर भएको छ,” उहाँले थप्नुभएको छ। गिल सन् २०१४ देखि सन् २०२० सम्म सांसद रहनुभएको थियो भने यूरोप पक्षधर यूकेआइपी पार्टीका सदस्य हुनुहुन्थ्यो । उक्त दलको नेतृत्व नेता निगेल फराजले गर्नुभएको थियो । उहाँ सन् २०२१ मार्चदेखि मेसम्म फराजको रिफर्म यूके वेल्सका नेता पनि हुनुभएको थियो र सन् २०१६ देखि सन् २०१७ सम्म वेल्स संसद (सेनेड)को सदस्य पनि हुनुभएको थियो । उहाँलाई सन् २०१८ डिसेम्बर र सन् २०१९ जुलाईको बीचमा युक्रेनी राजनीतिज्ञ ओलेग वोलोसिनबाट घूस लिएको आठ मामिलामा दोषी ठहर गरिएको छ । वोलोसिनलाई संयुक्त राज्य अमेरिकाले पछि प्रतिबन्ध लगाएको थियो र युक्रेनमा देशद्रोहको आरोप लगाइएको थियो। अभियोजनकर्ताहरूका अनुसार उहाँले त्यस समयमा लगभग ४० हजार पाउण्ड (झण्डै ५२ हजार अमेरिकी डलर) भुक्तानी लिनुभएको थियो । “यो मुद्दाले लोकतान्त्रिक निष्ठाको मुटुमा प्रहार गर्दछ,” क्राउन प्रोसिक्युशन सर्भिस (सिपिएस) का बेथान डेभिडले एक विज्ञप्तिमा भन्नुभयो । सुरक्षा मन्त्री डान जार्भिसले फैसलापछि भन्नुभयो, “यो कदम ‘हाम्रो देश, हाम्रो जनता र हाम्रो राष्ट्रिय सुरक्षाप्रतिको विश्वासघात’ हो।” लन्डन, ५ मङ्सिर (रासस/एएफपी)