कार्तिक ३०, २०८२
काठमाडौं —
कार्यालयको वातावरणमा सहकर्मीहरूसँग प्रेम सम्बन्ध सुरु गर्नु अब विश्वभर सामान्य बन्दै गएको एक नयाँ सर्वेक्षणले देखाएको छ। विवाहबाहिरका गोप्य सम्बन्धका लागि परिचित डेटिङ प्लेटफर्म ‘एश्ले म्याडिसन’ले ११ देशका १३ हजार ५८१ वयस्कमाझ गरेको अध्ययन अनुसार, सहभागीहरूको ठूलो हिस्साले कार्यालयमै प्रेम सम्बन्ध गाँसेको स्वीकार गरेका छन्।
सर्वेक्षण अस्ट्रेलिया, ब्राजिल, क्यानडा, जर्मनी, भारत, इटाली, मेक्सिको, स्पेन, स्विजरल्याण्ड, बेलायत र अमेरिकामा गरिएको थियो।
सबैभन्दा धेरै कार्यस्थल रोमान्स मेक्सिकोमा देखियो, जहाँ ४३% सहभागिले सहकर्मीसँग प्रेम सम्बन्ध रहेको बताए।
भारत दोस्रो स्थानमा रह्यो, जहाँ ४०% वयस्कले कार्यालयमै प्रेम सुरु गरेको जनाए।
अमेरिका, बेलायत र क्यानडामा भने यो अनुपात ३०% मा सीमित देखियो।
सर्वेक्षणले देखाएको अर्को महत्त्वपूर्ण तथ्य—
५१% पुरुषले कार्यस्थलमै प्रेम सम्बन्ध बनाएको स्वीकार गरे।
महिलामा यो संख्या ३६% मात्र देखियो।
महिलाहरू करियरमा पर्ने सम्भावित असरबारे अझै सतर्क देखिए।
२९% महिलाले “पेशागत नोक्सानीको जोखिम” का कारण कार्यस्थल रोमान्सबाट टाढा रहने बताए।
पुरुषमा यो हिस्सा २७% मात्र छ।
१८–२४ वर्ष उमेर समूह कार्यस्थल रोमान्सप्रति सबैभन्दा संवेदनशील देखियो।
यस समूहका ३४% युवाले यस्तो सम्बन्धले करियर बिगार्न सक्छ भन्ने चिन्ता व्यक्त गरे।
