भालपाराइसो, चिली — नोभेम्बर १३, २०२५
Unidad por Chile गठबन्धनकी राष्ट्रपतीय उम्मेदवार जिनेट जाराले बिहीबार भालपाराइसोमा आफ्नो चुनावी अभियानको अन्तिम सभा सम्पन्न गर्दै समर्थकहरूलाई आगामी निर्वाचनलाई “देशको भविष्य निर्धारण गर्ने निर्णायक घडी” रूपमा लिन आग्रह गरिन्।हजारौँ समर्थकहरूको भीडबीच जाराले सामाजिक अधिकार, श्रमिक सुरक्षा, समावेशीता र सार्वजनिक सेवामा पारदर्शिता जस्ता मुद्दाहरूलाई आफू निर्वाचित भए कार्यसूचीको केन्द्रमा राख्ने बताइन्।उनले भने, “यो चुनाव केवल सत्ता परिवर्तनको विषय होइन— यो चिलीको नयाँ मार्ग तय गर्ने अवसर हो।”अन्तिम चरणमा प्रवेश गरेको अभियानमा जाराले तटीय क्षेत्रदेखि राजधानीसम्म जनसम्पर्क तीव्र बनाउँदै आएकी छिन्। सर्वेक्षणहरूले मिश्रित परिणाम देखाइरहे पनि उनको टोलीले “उत्साहित जनसमर्थन” रहेको बताउँदै अन्तिम घडीसम्म मतदातालाई सक्रिय गरिरहेको छ।सभामा जाराले विपक्षी पक्षमाथि परिवर्तनका मुद्दामा भ्रम फैलाएको आरोप लगाउँदै, “हामी डर होइन आशा लिएर अघि बढिरहेका छौँ,” भनेर प्रतिक्रिया दिइन्।आगामी केही दिनमा हुने मतदानले चिलीको सामाजिक तथा राजनीतिक दिशा कत्तिको रूपान्तरण हुन्छ भन्नेबारे व्यापक चासो बढेको छ।

फोटो: रोड्रिगो अराङ्गुआ / AFP